نشرت الفنانة منة فضالي لجمهورها ولمتابعيها، عبر "انستجرام" صورة تجمعها مع الفنانة إلهام شاهين، معلقة عليها قائلة: "عمتي اعتماد الهواري قوية ومفتريه، قعدتنا عندها علشان تتسلى علينا! بتعملي كده ليه يا عمتي؟ وأمي أفعى اللداغ.. أقصد نافع الدباغ، غلبانة مش قدك، بس الجارحي هيجيب لنا حقنا.. النجمة القمر اللي بموت فيها بجد ومن زمان، إلهام شاهين، بحبك يا أحلى اعتماد".

حرصت فضالي على توجيه رسالة لجمهورها قائلة:" علشان تكون ممثل لازم تحس وتتصدق وتكون واقعي، التمثيل مش مكياج ولا إنك تكون حلو، الجمال مش كل حاجة، الأهم جمال الروح.. جايز أكون مش أحلى حد، بس كفاية عليا لما يتقال ممثلة بجد، وده بيخليني أحس بالمسؤولية أكتر وأتأنى في اختياراتي علشان أكون عند حسن ظن الجمهور والإعلام."

أضافت فضالي: "أنا لسه معملتش حاجة كبيرة في شغلي، لأن مجتليش الفرصة اللي بحلم بيها، لكن عندي أمل إن شاء الله. وأحب أشكر كل اللي ساندني ووقف جنبي، سواء من الوسط الفني أو الجمهور والإعلام. يا رب دايماً أكون عند حسن الظن".

مسلسل "سيد الناس" بطولة عمرو سعد، إلهام شاهين، إنجي المقدم، أحمد زاهر، أحمد رزق، ريم مصطفى، بشرى، منة فضالي، نشوى مصطفى، رنا رئيس، أحمد فهيم، خالد الصاوي، نشوى مصطفى، رنا رئيس، ملك أحمد زاهر، محمود قابيل، طارق النهري، وياسين السقا، جوري بكر، إنجي كيوان، وإخراج محمد سامي.